Монгол улсын төсвийн хөрөнгөөр 2013 онд шинээр зохион байгуулж хэрэгжүүлэх 789 хөрөнгө оруулалтын төсөл, арга хэмжээний 399-ыг нь Худалдан авах
Монгол улсын төсвийн хөрөнгөөр 2013 онд шинээр зохион байгуулж хэрэгжүүлэх 789 хөрөнгө оруулалтын төсөл, арга хэмжээний 399-ыг нь Худалдан авах ажиллагааны газар хэрэгжүүлэх бөгөөд 390 (Өөрийн хэрэгцээнд-101, Их засвар-33, Орон нутагт хэрэгжүүлэх 243, Төрийн нууцад хамаарах-13) төсөл арга хэмжээ нь бусад байгууллагуудаар хэрэгжихээр байна.
Худалдан авах ажиллагааны газар 2013 онд Улсын хэмжээнд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах нийт 399 ажлыг зохион байгуулах бөгөөд үүнээс 76 бараа, 252 ажил, 71 үйлчилгээ (зөвлөх)-ний ажил байна.
Монгол улсын 2013 оны Төсвийн тухай хуулиар Яам, агентлаг, байгууллагуудын өөрийн хэрэгцээнд худалдан авах 101 төсөл арга хэмжээ батлагдсан байна.
Монгол улсын Сангийн яам, БНСУ-ын Олон улсын хамтын ажиллагааны КОИКА агентлагтай хамтран 2011-2012 онуудад “Монгол улсад цахим худалдан авах ажиллагааг нэвтрүүлэх” төслийн I үе шатыг хэрэгжүүлж, одоогийн байдлаар нийт 8 тендерийг цахим хэлбэрээр зохион байгуулаад байна.
Монгол улсын шинэчлэлийн Засгийн газрын 2012-2016 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөнд тендерийн будлиан, авлига, хээл хахуулийг халах зорилгоор төсвийн хөрөнгөөр бараа, ажил, үйлчилгээ худалдан авах үйл ажиллагааг 100% онлайн хэлбэрт шилжүүлэхээр тусгасан.
Энэ зорилтын хүрээнд Худалдан авах ажиллагааны газар 2013 онд зарлах нийт тендерийн 20-35% цахим худалдан авалтын хэлбэрээр зохион байгуулна.
Мөн “Монгол улсад цахим худалдан авах ажиллагааг нэвтрүүлэх” төслийн II үе шатыг хэрэгжүүлэх төслийн саналыг боловсруулж БНСУ-ын Олон улсын хамтын ажиллагааны агентлагийн 2014 онд хэрэгжүүлэх төсөл хөтөлбөрт тусгуулахаар Эдийн засгийн хөгжлийн яаманд хүргүүлээд байна .
COMMENTS