Компанийн тухай хуулийн 75.4, 79.1 дахь заалтыг тус тус үндэслэн “Хөдөө аж ахуйн бирж” ТӨХХК-ийн Төлөөлөн удирдах зөвлөлийн Хараат бус гишүүн сонгон
Компанийн тухай хуулийн 75.4, 79.1 дахь заалтыг тус тус үндэслэн “Хөдөө аж ахуйн бирж” ТӨХХК-ийн Төлөөлөн удирдах зөвлөлийн Хараат бус гишүүн сонгон шалгаруулалтыг зарлаж байна.
Хараат бус гишүүнд нэр дэвшигчид тавигдах шаардлага:
- Боловсрол: Магистр, түүнээс дээш боловсролын зэрэгтэй;
- Мэргэжил: Эдийн засагч, Санхүүч, Бизнесийн удирдлага;
- Мэргэшил: Бизнесийн удирдлага чиглэлээр
- Туршлага: Төрийн бус байгууллага болон хувийн хэвшилд нийтдээ 10-аас доошгүй жил, үүнээс удирдах албан тушаалд 3-аас доошгүй жил ажилласан байх;
- Нэр дэвшигч нь өөрөө, эсхүл нэгдмэл сонирхолтой этгээдтэй хамтран компанийн энгийн хувьцааны таваас дээш хувийг эзэмшдэггүй;
- Тухайн компанитай бизнесийн аливаа холбоогүй;
- Компанийн засаглалын сургалтад хамрагдсан байх.
- Хөдөө аж ахуйн болон хөрөнгийн биржийн чиглэлээр ажиллаж байсан бол давуу тал болно.
Бүрдүүлэх материал:
- Сонгон шалгаруулалтад оролцох хүсэлт
- Анкет (төрийн албан хаагчийн анкетыг бүрэн бөглөх, 4х6 хэмжээтэй цээж зураг заавал наасан байх);
- Өөрийн намтар (CV);
- Нийгмийн даатгалын дэвтрийн хуулбар, нийгмийн даатгалын лавлагаа;
- Боловсролын диплом, үнэмлэх, бусад сургалт, семинарт хамрагдсан гэрчилгээ, сертификатын хуулбар;
- Иргэний үнэмлэхийн хуулбар;
- Компанийн засаглалын гэрчилгээний хуулбар.
Сонгон шалгаруулалтын материал хүлээн авах хугацаа, газар:
Сонгон шалгаруулалтад орох иргэний материалыг 2023 оны 12 дугаар сарын 12-ны өдрийн 17:00 цаг хүртэл Хүнс, хөдөө аж ахуй, хөнгөн үйлдвэрийн яамны байр 603 тоот өрөөнд хүлээн авна.
Анхаарах зүйлс:
- Материалыг битүүмжилсэн байх ба дугтуйн гадна талд сонгон шалгаруулалтад оролцогч иргэний оршин суух хаяг, холбоо барих утасны дугаар, нэрээ дэвшүүлж буй компанийн нэрийг тус тус гаргацтай бичнэ.
- Нэг дугтуйнд зөвхөн 1 сонгон шалгаруулалтын материалыг хийнэ.
- Материалыг сонгон шалгаруулалтын дараа буцаан олгохгүй болно.
- Хугацаа хоцорсон материалыг хүлээн авахаас татгалзана.
- Материалын бүрдэл дутуу тохиолдолд сонгон шалгаруулалтаас хасна.
- Сонгон шалгаруулалтын шаардлага хангасан иргэнтэй Нэр дэвшүүлэх хорооноос холбоо барина.
- Нэмэлт мэдээллийг “Хөдөө аж ахуйн бирж” ТӨХХК-ийн Төлөөлөн удирдах зөвлөлийн нарийн бичгийн дарга Б.Энхцэцэг, 51 260709 дугаарын утаснаас авна уу.
НЭР ДЭВШҮҮЛЭХ ХОРОО