Компанийн тухай хуулийн 62 дугаар зүйлийн 62.1.7, 81 дүгээр зүйлийн 81.5.1, 81.5.2, 81.5.3, Төрийн хэмнэлтийн тухай хуулийн 20 дугаар зүйлийн 20.2, “
Компанийн тухай хуулийн 62 дугаар зүйлийн 62.1.7, 81 дүгээр зүйлийн 81.5.1, 81.5.2, 81.5.3, Төрийн хэмнэлтийн тухай хуулийн 20 дугаар зүйлийн 20.2, “Дарханы төмөрлөгийн үйлдвэр” ТӨХК-ийн дүрмийн 7.12 дахь заалтыг тус тус үндэслэн “Дарханы төмөрлөгийн үйлдвэр” ТӨХК-ийн Төлөөлөн удирдах зөвлөлийн хараат бус гишүүний сонгон шалгаруулалтыг зарлаж байна.
А.НЭР ДЭВШИГЧИД ТАВИГДАХ ТУСГАЙ ШААРДЛАГА
- Санхүү, эдийн засаг, нягтлан бодох бүртгэл, бизнесийн удирдлагын чиглэлээр:
- Санхүү, эдийн засаг, нягтлан бодох бүртгэл, бизнесийн удирдлагын чиглэлээр дээд боловсрол эзэмшсэн, тухайн мэргэжлийн чиглэлээр 10-аас доошгүй жил ажилласан;
- 8-аас доошгүй жил бизнес эрхэлсэн туршлагатай, үүний 5-аас доошгүй жил гүйцэтгэх удирдлагын багт ажилласан;
- 3-аас доошгүй бизнесийн төсөл хариуцан хэрэгжүүлж, амжилттай хөрөнгө оруулалт татсан байх;
- Уул уурхай, металлургийн томоохон төсөл хэрэгжүүлж байсан, магистр ба түүнээс дээш зэрэгтэй, мэргэшсэн бол давуу тал болно.
- Хуулийн чиглэлээр:
- Эрх зүйч мэргэжилтэй, хуульч цолтой /хуульчийн сонгон шалгаруулалтад тэнцсэн хуульчийн гэрчилгээтэй/, тухайн мэргэжлийн чиглэлээр 10-аас доошгүй жил ажилласан,
- 8-аас доошгүй жил бизнес эрхэлсэн туршлагатай, үүний 5-аас доошгүй жил гүйцэтгэх удирдлагын багт ажилласан;
- 3-аас доошгүй бизнесийн төсөл хариуцан хэрэгжүүлж, амжилттай хөрөнгө оруулалт татсан байх;
- Уул уурхай, металлургийн томоохон төсөл хэрэгжүүлж байсан, магистр ба түүнээс дээш зэрэгтэй, мэргэшсэн бол давуу тал болно.
- Уул уурхайн чиглэлээр:
- Геологи, уул уурхайн ашиглалт, баяжуулалт, металлургийн чиглэлээр дээд боловсрол эзэмшсэн, тухайн мэргэжлийн чиглэлээр 15-аас доошгүй жил ажилласан, үүний 5-аас доошгүй жил удирдах албан тушаал эрхэлж байсан;
- Уул уурхайн чиглэлээр үндсэн орд ашиглаж олборлох үйл ажиллагаа явуулдаг компанид удирдах албан тушаалд ажиллаж байсан туршлагатай байх;
- 3-аас доошгүй бизнесийн төсөл хариуцан хэрэгжүүлж, амжилттай хөрөнгө оруулалт татсан байх;
- Уул уурхай, металлургийн томоохон төсөл хэрэгжүүлж байсан, магистр ба түүнээс дээш зэрэгтэй, мэргэшсэн бол давуу тал болно.
Б. НЭР ДЭВШИГЧИД ТАВИГДАХ НИЙТЛЭГ ШААРДЛАГА
- Тухайн хуулийн этгээдийн Төлөөлөн удирдах зөвлөлийн хараат бус гишүүний үүргийг гүйцэтгэхэд шаардагдах хангалттай ур чадвар, ажлын туршлагатай байх;
- Компанитай нэгдмэл сонирхолтой болон компанийн үйл ажиллагаанд оролцогч талуудын /хувьцаа эзэмшигчид, хувьцааны багцыг эзэмшигч, хамтран ажиллагсад гэх мэт/ ашиг сонирхлыг төлөөлдөггүй байхаас гадна бизнесийн болон хувийн аливаа нэг холбоогүй байх;
- Компанийн Төлөөлөн удирдах зөвлөлийн бусад гишүүн, гүйцэтгэх удирдлагын багийн гишүүдтэй нэгдмэл сонирхолтой этгээд, төрөл, садны холбоогүй байх;
- Компани болон компанийн нэгдлийн томоохон харилцагчийн хяналтын багц эзэмшигч, эрх бүхий албан тушаалтан биш байх /нэг жилд тухайн харилцагчтай хийсэн хэлцлийн нийт дүн нь компанийн нийт активын 10-аас дээш хувьтай тэнцэж байвал томоохон харилцагч гэж үзнэ/;
- Өөрөө, эсхүл нэгдмэл сонирхолтой этгээд нь компанийн эрх бүхий албан тушаал эрхэлдэггүй, эсхүл сүүлийн 3 жилийн хугацаанд ажил албан тушаал эрхэлж байгаагүй байх;
- Компанитай ижил төрлийн үйл ажиллагаа явуулдаг, өрсөлдөгч аж ахуйн нэгжийн удирдлагад ажилладаггүй байх;
- Эрх бүхий албан тушаалтнаар нь ажиллаж байсан хуулийн этгээд дампуурсан, төлбөрийн чадваргүй болсон нь тухайн этгээдээс аливаа хэлбэрээр шалтгаалаагүй байх;
- Тодорхой албан тушаал эрхлэх, эсвэл үйл ажиллагаа явуулах эрхийг нь шүүхийн шийдвэрээр хасаагүй, ял шийтгэл хүлээгээгүй байх; эрүүгийн хуульд заасан эдийн засгийн, авлигын, өмчийн эсрэг гэмт хэрэг үйлдэж шүүхээр шийтгүүлээгүй байх;
- Зээл, батлан даалт, баталгааны гэрээгээр хүлээсэн хугацаа хэтэрсэн аливаа өргүй байх;
- Төрийн үйлчилгээнийхээс бусад төрлийн төрийн алба хашдаггүй байх;
- Компанийн засаглалын сургалтад хамрагдаж, гэрчилгээ авсан байх.
Бүрдүүлэх материал:
- Сонгон шалгаруулалтад оролцох хүсэлт;
- Төрийн албан хаагчийн анкет;
- Боловсролын түвшнийг тодорхойлсон баримт бичиг /диплом/-ийн эх хувийг нотариатаар гэрчлүүлсэн хувь /гадаадад их, дээд сургууль төгссөн бол баталгаат орчуулгын хамт/;
- Мэргэшүүлэх сургалтад хамрагдсан бол гэрчлэх баримт бичиг;
- Иргэний үнэмлэхийн хуулбар;
- Ажилласан жилийг тооцох хөдөлмөрийн болон нийгмийн даатгалын шимтгэл төлөлтийн лавлагаа;
- Цээж зураг, 2 хувь /4х3-ийн хэмжээтэй бөгөөд нэг ширхэг нь анкет дээр наагдсан байх/;
- Урьд ажиллаж байсан 2-оос доошгүй байгууллагын эрх бүхий албан тушаалтны ажил байдлын тодорхойлолт;
- Өөрийн товч намтар /CV/
- Шүүхийн хүчин төгөлдөр шийдвэрээр ял шийтгүүлж байсан эсэх лавлагаа;
- Банк, санхүүгийн байгууллагын хугацаа хэтэрсэн өр төлбөргүй тухай лавлагаа.
- Компанийн засаглалын гэрчилгээний хуулбар /нотариатаар баталгаажуулсан/;
- Ажиллах төлөвлөгөө, санал /Уул уурхай, металлургийн салбарын хөгжлийн чиг хандлагад үнэлэлт дүгнэлт өгч, компанийн эдийн засгийн үр ашгийг дээшлүүлэх талаарх санал/;
Сонгон шалгаруулалтын материал хүлээн авах хаяг:
Улаанбаатар хот – 13381, Баянзүрх дүүрэг, Энхтайваны өргөн чөлөө-16, Засгийн газрын IX байр, Төрийн өмчийн бодлого, зохицуулалтын газар
Төлөөлөн удирдах зөвлөлийн нарийн бичгийн дарга О.Баттулга
Утас: 51-261692
Материал хүлээн авах сүүлийн хугацаа:
2023 оны 4 сарын 13-ны өдрийн 13:00 цаг
Анхаарах зүйлс:
- Материалыг битүүмжилсэн байх ба дугтуйны гадна талд сонгон шалгаруулалтад оролцогч иргэн аль чиглэлээр материал ирүүлж байгаа талаар болон холбоо барих утасны дугаар бичнэ.
- Нэг дугтуйнд зөвхөн 1 нэр дэвшигчийн материалыг хийнэ.
- Материалыг сонгон шалгаруулалтын дараа буцаан олгохгүй болно.
- Хугацаа хоцорсон материалыг хүлээн авахаас татгалзана.
- Материалын бүрдэл дутуу тохиолдолд сонгон шалгаруулалтаас хасна.
- Сонгон шалгаруулалтын шаардлага хангасан иргэнтэй зөвхөн холбоо барина.
“ДАРХАНЫ ТӨМӨРЛӨГИЙН ҮЙЛДВЭР” ТӨХК-ИЙН ТӨЛӨӨЛӨН УДИРДАХ ЗӨВЛӨЛИЙН НЭР ДЭВШҮҮЛЭХ ХОРОО